الحلقه_الثانيه
أساسيات_الاسعافات_الاوليه
كيفية التصرف ف المواقف الطارئه واساسيات الاسعافات الاوليه...
لو متابعنا من الحلقه الأولي هتفهم بسهولة حلقه النهارده...
لو مش متابع. ..دور ع الحلقه الأولي عشان تكون معانا م الأول خطوة ب خطوة...
طيب سؤال بسيط بيلح علينا .
هي المواقف الطارئه محتاجه تعريف ؟؟؟ماهي بتبقي واضحه زي الشمس! !!
الاجابه (لا ).....بس لها علامات تؤكد وجود موقف صعب او خطر لابد التعامل معاه...
بس خلي بالك ...فيه مواقف كتيرة بيبقي فيها المصاب محتاج المساعده ولكن عنده رهبه او خوف وبيبقي مش فاهم ايه اللي حصل..
ومواقف تانية بيكون المصاب اللي قدامك مفيهوش اصابه خطر ولكن بيبتكر أعراض غير موجوده..
طيب افرق اذاي بين الاتنين. ..
بص يا سيدي ....هتراقب #ان كان فيه اضطراب ف درجة الوعي ولا لأ. ...لان ده اشهر عرض وعلامة ممكن يحصل عند وجود بوادر اغماء او غيبوبه واوقات كتير بيكون اختلاف درجة الوعي سببه الاجهاد الشديد او اسباب تانيه كتير . وقد يكون السبب سكته دماغيه ....عشان كده مهم جدا اننا نتعرف علي العلامات اللي هتعرفني ان فيه حاله طارئه .
#أشهر_العلامات_الداله_علي_وجود_حاله_طارئه
*ان المريض نفسه يطلب المساعده او يستغيث
*وجود المصاب ف وضع غير طبيعي او مناسب
*وجود تجمع من الناس بشكل غير اعتيادي
*وجود آله او جهاز او اداه او وسيلة مواصلات او ايآ كان السبب ف وضع غير طبيعي.
#انتبه
ف حاله حدوث أي طارئ حط ف بالك 3 كلمات ...
أفحص.....check
اتصل........call
اهتم. ....care
ف حاله وجود اي طارئ لازم تفتكر ال3 كلمات دول لأنهم أول درجة ف سلم تقديم المساعدة الطبيه بشكل سليم وعلمي مظبوط بلا ضرر او ضرار... وهناخدهم بالترتيب....
#أفحص. ......check
أفحص المكان أولا ....اوعي تتدخل تنقذ مصاب او تحاول انقاذة ف مكان طالما هناك خطر عليك وعلي المصاب ...يعني امانك الشخصي وبالتالي امان المصاب ...
اسحب المصاب لمنطقة امان جيدة التهويه بعيد ع الناس شويه .واضحه للقادم من بعيد ..
خلي بالك من سحب المصاب إذا كان هناك خطر اصابه بالفقرات العنقيه او العمود الفقري....
حاول تنقله عن الطريق السحب ع الارض بدون رفع جسمه عن الارض...
أفحص المصاب ثانيا ....وهنتعلمها ف منشور تاني
#اتصل.....call
وهي الاتصال ب الإسعاف وطلب المساعده الطبيه ...او طلب المساعده من الناس المحيطه بيك ..ودي حاجه مهمه جدا واوعى تنساها لان ف بعض حركات وخطوات الإسعاف هتاخدك ف تفاصيل الحادث وهتلاقي عند نقطه معينه مش هتعرف تكمل لوحدك وهتحتاج تدخل طبيب او مسعف..عشان كده لازم تاخد بالك ونطلب المساعده من البدايه .
#اهتم......care
ودي الخطوة التالتة وخاصة بالمصاب وتقديم الخدمه اللي بيحتاجها وفقا لإصابته ودرجتها وخطورتها وحسب الإمكانيات المتاحه ف مكان الحادث.
#حاجه كمان لازم نتعلمها مع بعض
#خصوصية المريض او المصاب اللي حضرتك بتتعامل معاه بمعنى ...☆ثقافتنا العربيه وديننا الحنيف وصانا بالستر☆
يعني الأماكن اللي مش محتاجه فحص منفحصهاش ونكشف عورة مصاب ..يعني تحترم كرامة المصاب..
من حق المصاب أنه يرفض تساعده ...الا ف حالات الغيبوبة حضرتك لازم تساعده وكمان الإصابات الخطرة..
#لازم تعرف نفسك للمصاب قبل ماتتدخل لان من حق المصاب او المريض يعرف مين اللي هيقدمله الخدمه ويتعامل معاه وخصوصا لو هو واعي. ..
طيب اذاي دي ؟
قبل ماقولك اذاي ...لازم يكون عندك ثقه ف نفسك الأول عشان المريض يثق فيك ويطمن ..
تعالي بقا اجاوبك ع سؤالك ...
هتقول اسمك للشخص المصاب وانك مدرب علي تأدية الاسعافات الاوليه او عندك فكرة انك هتتعامل اذاي مع المصاب.وتقوله انك هتفضل جنبه وتسعفه لحين وصول الإسعاف ..وحاول تاخد منه أكبر قدر من المعلومات المهمه عن طبيعة حالته والاسم والعنوان ورقم التليفون لاقرب حد ليه. واذا كان مريض سكر او ضغط او حصلتله قبل كده جلطه او غيرة ..او لو معاه علاج ويقدر ياخده ساعده انه ياخده..
لو المريض او المصاب رفض ان حضرتك تساعده . متزعلش.لان ده حق أصيل له مينفعش انك تتدخل طالما هو واعي ومدرك الي بيحصل حواليه ...
طيب لو المصاب فاقد الوعي هعرفه ع نفسي اذاي واعرف ايه اللي حصل وظروف الحادث...
بص يا سيدي ..
لو المصاب اللي قدامك فاقد الوعي اوعندة اختلال ف درجه الوعي ..حضرتك بكل سهوله هتتكلم مع الناس اللي كانت معاه وانت شغال ع المصاب . هتعرفهم ع نفسك عشان تكسب ثقتهم وكمان هتسالهم ايه اللي حصل ...وخد منهم أكبر قدر من المعلومات تقدر عليه ..كل ده وانت شغال ع المصاب متسيبوش. ..
كده وصلنا لنهاية حلقه النهارده ...
اتمني تكونوا استفدتم منها ..
ليست هناك تعليقات:
إرسال تعليق