#اساسيات_الاسعافات_الاوليه
اتعلمنا واتفقنا ف الحلقات اللي فاتت ان لما يصادف حادث او طارئ بنفتكر 3 كلمات (افحص..اتصل...اهتم ) واتعلمنا كمان ان افحص معناها فحص المكان وفحص المصاب واتعلمنا اذاي تفحص المكان وتحمي نفسك من الاخطار ...وحلقه النهارده عن فحص المصاب
ف الحقيقه ان ف وقت الحوادث والاخطار لو مفيش خطه واضحه تمشي عليها هتلاقي نفسك بتتصرف بشكل عشوائي وغير منتظم عشان كده مهم جدا ترتب أفكارك واول حاجه مطلوب منك تفحصها ف المصاب هي #درجة الوعي
#درجة الوعي ف الحقيقه ليها تقييمات كتيرة واساليب كتيره لكن هناخد مع بعض التقييم الاهم والاشهر ف #الاسعافات الاوليه .وهنختصرة ف حروف AVPU دول اربعه حروف وكل حرف بيمثل كلمة او درجه من درجات الوعي
حرف#A وبتختصر كلمة Alert ومعناها يقظ
ودا شخص طبيعي مدرك للزمان والمكان وبيجاوب علي اسئلتك
حرف#Vوبتختصر كلمه Verbal stimulus ومعناها مستجيب للنداء
ودا شخص يبدوا نائما ولكن عند النداء عليه بصوت مرتفع يستجيب ولم يكن مستجيبا من قبل
حرف#pوبتختصر كلمة painful stimulus ومعناها مستجيب للألم
ودا شخص يبدوا نائما ولكنه لا يستجيب للنداء ولكن عند احداث الم به فإنه يصدر انين او صوت او يحرك جسده بعيدا عن مصدر الالم
حرف#Uوبتمثل كلمة Unresponsiveness ومعناها غير واعي
ودا شخص يبدوا نائما لكنه غير مستجيب للنداء وغير مستجيب للالم .
يعني دا شخص فاقد للوعي تماما واول حاجه هنعملها معاه هي تقييم النبض ودا هنشوفه ف الحلقه الجايه ان شاء الله
#اوعي وانت بتقييم المصاب وتشوف درجة الوعي تحركه من مكانه او حتي تحرك فقرات الرقبه ...دايما تراعي الجزء ده.
ليست هناك تعليقات:
إرسال تعليق